Visvangkwotas bly kopseer; Creecy beloof optrede

Nuwe rolspelers in die kommersiëlevisvang-bedryf sal nie aan boord gebring kan word tensy bestaande kwotas vir visvangste verklein word nie.

So het Barbara Creecy, minister van visserye, bosbou en die omgewing, vandeesweek aan dié parlementêre portefeuljekomitee gesê.

Creecy en amptenare van die departement moes onder meer vrae beantwoord oor die hersieningsproses vir kwotas wat volgens haar teen einde Oktober vanjaar afgehandel sal wees.