‘Dit is onduidelik waaroor SUT-studente betoog’

Studente van die Sentrale Universiteit van Tegnologie (SUT) in Bloemfontein het Vrydagoggend voor die kampus se hoofhek begin betoog.

Seithati Semenokane, woordvoerder van SUT, sê die bestuur van die universiteit het egter geen klagtes van die studenteraad ontvang nie en dit is onduidelikheid waaroor die studente ontevrede is.

“Ons doen ’n beroep op studente om hul klagtes aan ons oor te dra sodat ons kan kyk hoe ons daaraan kan aandag gee,” sê Semenokane.