’n Groep ouers en raadslede het Maandagoggend oor beweerde diskriminasie teen Xhosasprekende gr. 7-leerlinge voor Kosie de Wet Primêr in Villiersdorp betoog.
Die ouers beweer dat die skool nie genoeg moeite doen om die sowat tien leerlinge te akkommodeer wat in Xhosa wil skoolgaan nie.
Die skool huisves Xhosasprekende leerlinge net tot gr. 6, waarna hulle na ’n skool in Grabouw moet gaan vir verdere onderrig in hul huistaal, sê Millicent Merten, ’n woordvoerder van die Wes-Kaapse onderwysdepartement.
