Parktown Boys: Hoof hervat pos ná treurspel op skoolkamp

Malcolm Williams, skoolhoof van Parktown Boys High School waar Enock Mpianzi ’n leerling in gr. 8 was toe hy op ’n skoolkamp dood is, is terug in sy pos.

Panyaza Lesufi, Gautengse LUR vir onderwys, sê in ’n verklaring Williams het Maandag by die skool vir werk aangemeld nadat hy geskors is weens Enock se dood.

Enock het tydens ’n oriënteringskamp vir gr. 8-leerlinge by die Nyati Bush and River Break Lodge naby Brits in Noordwes verdrink.