Sommige studente van die Sentrale Universiteit vir Tegnologie (SUT) in Bloemfontein is krapperig omdat die middeljaar-eksamen op sy kampusse self – en nie aanlyn nie – afgelê moet word.
’n Groep studente was Dinsdagmiddag en -vroegaand voor die hoofhek van die Bloemfonteinse kampus hieroor oproerig.
Dan Maritz, SUT-woordvoerder, sê die SUT is bewus van die groep wat voor die hoofhek byeengekom het. Hy sê die studente het versoek dat die eksamen aanlyn afgelê word en nie in lokale op die kampus nie.
