Die ANC en regering het die struggle-strydros Oliver Tambo “verraai” omdat hulle staatskaping onder oudpres. Jacob Zuma en die Guptas in Suid-Afrika toegelaat het.
Hoofregter Raymond Zondo het Vrydag geen doekies hieroor omgedraai nie toe hy die O.R. Tambo-gedenklesing oor geregtigheid, demokrasie en die oppergesag van die reg by die Fort Hare-Universiteit in Alice in die Oos-Kaap gelewer het.
“Die nasionale uitvoerende komitee (NUK) van die ANC se versuim om (in 2013) ’n aanbeveling van sy eie struktuur, die integriteitskommissie, (dat Zuma as staatshoof opsy moet staan) te implementeer, het daartoe gelei dat die Guptas miljarde rande in belastingbetalersgeld landuit geneem het.
