Die DA is bekommerd oor die gebrek aan stabiliteit in verskeie metro-regerings oor die land heen en veral oor wat dit inhou vir moontlike nasionale of provinsiale koalisieregerings ná die verkiesing aanstaande jaar.
Daarom het dié party private wetsontwerpe ingedien om koalisieregerings te probeer stabiliseer.
’n Kennisgewing in dié verband is onlangs in die Staatskoerant gepubliseer waar gevra word vir insette van die publiek. Met dié wetsontwerpe wil die party die wantrouemosies teen ampsdraers in die drie regeringsfere, tot ’n jaar beperk.
