Energiesektor gaan ‘revolusionêr’ verander, sê Ramaphosa

Suid-Afrika gaan sy energiesektor revolusionêr verander en is aktief op soek na beleggings in hernieubare energie, sê pres. Cyril Ramaphosa.

Die energiesektor sal streef na ’n klein koolstofvoetspoor, het hy Donderdag in Pretoria gesê op ’n sakeforum waar hy en koning Philippe van België met sakelui van albei lande gepraat het.

Philippe en sy vrou, koningin Mathilde, is op hul heel eerste staatsbesoek aan Afrika. Hulle is vir sewe dae in die land en sal onder meer Soweto en Kaapstad besoek.