Essa hét Koko se vliegkaartjie betaal, hoor Zondo

Dit wás Salim Essa, sakevennoot van die Guptas, wat R100 000 betaal het vir vliegtuigkaartjies vir Matshela Koko, sy vrou en kind om van Indonesië via Dubai na Suid-Afrika te vlieg.

Só het Sameera Sooliman van die reisagentskap Travel Excellence Dinsdag voor die Zondo-kommissie van ondersoek na staatskaping gesê toe sy gevra is wie vir ’n deel van die Koko-gesin se reis in Januarie 2016 betaal het.

“As Koko sê hy het die R100 000 betaal, moet hy bewys daarvoor lewer,” het Sooliman getuig.