Suid-Afrika se ongelyke en onbillike patrone van grondeienaarskap moet vinniger uitgestryk word, meen adj.pres. Paul Mashatile.
Dit is van kritieke belang vir die verwesenliking van ekonomiese insluiting, voedselsekerheid, maatskaplike samehorigheid, inklusiewe stadsbeplanningspatrone en landelike ontwikkeling, het hy Donderdag in die Nasionale Raad van Provinsies gesê in ’n sessie oor hoe beplanning en samewerking tussen die drie regeringsfere verbeter kan word.
Maropene Ramokgopa, minister in die presidensie belas met beplanning, monitering en evaluering, en Stella Ndabeni-Abrahams, minister van kleinsakeontwikkeling, asook verskeie premiers, LUR’e en verteenwoordigers van plaaslike regerings, was ook sprekers.
