Klein opskudding toe Yellen by NUK-vergadering opdaag

Janet Yellen, Amerikaanse minister van finansies, het Donderdag ’n ligte opskudding veroorsaak toe sy by die vergadering van die ANC se nasionale uitvoerende komitee (NUK) opdaag.

Dit het dadelik tot “samesweringsteorieë” gelei dat dit ’n bewys is Amerika beïnvloed die ANC se beleid.

Al wat Yellen egter wou doen, was om met Gwede Mantashe, minister van minerale bronne en energie, te gesels oor die regverdige oorgang na hernubare energie.