Geloofwaardige en praktiese aksieplanne om die krisis rakende voortslepende beurtkrag en stygende lewenskoste daadwerklik op te los.
Organisasies uit die burgerlike samelewing, politieke partye en vakbonde hoop dat pres. Cyril Ramaphosa Donderdagaand veral dié kwessies in sy staatsrede sal prioritiseer en aankondigings daaroor sal doen.
Die ANC-alliansievennoot die SAKP het dit Woensdagmiddag duidelik gemaak dat die maatreëls wat Ramaphosa in sy staatsrede verlede jaar aangekondig het, nie die energiekrisis opgelos het nie.
