Hy het kop omhoog uit die Wes-Kaapse wetgewer gestap terwyl die ANC en DA “mekaar hul eerste huweliksoen gegee het”, sê Peter Marais van die VF Plus nadat hy geweier het om onlangse opmerkings terug te trek.
Marais is Maandag deur die speaker opdrag gegee om sy uitlatings waarin daar na swart mense as “buitelanders” verwys is, terug te trek en gevra om die saal te verlaat nadat hy geweier het.
Hy het aan Netwerk24 gesê senior DA-lede het die versekering gegee dat hy ’n kans sal hê om sy kant van die saak te stel, maar is toe slegs deur die speaker gevra om sy woorde terug te trek.
