Mashatile haastig om met dialoog oor stabilisering van koalisies te begin

Die regering wil binne twee maande ’n nasionale dialoog oor koalisies begin wat kan help met wetgewing om koalisieregerings stabieler te maak.

Adj.pres. Paul Mashatile, wat Donderdag vrae van parlementslede beantwoord het, het gesê in die lig van die komende verkiesing “wil ons dit nie uitstel nie”.

Alle politieke partye sal genooi word om aan die dialoog deel te neem. ’n Raamwerk vir koalisieregerings moet opgestel word en dit sal in die opstel van wetgewing oorweeg word.