’n Enkele skenker het oor die R120 miljoen in drie betalings van onderskeidelik R30 miljoen, R39,6 miljoen en R51,6 miljoen destyds aan pres. Cyril Ramaphosa se CR17-veldtog gemaak waarmee hy dr. Nkosazana Dlamini-Zuma aangevat het om die volgende president van die ANC te word.
Dié inligting, asook e-posse van Ramaphosa waarin hy sy veldtogbestuurders gevra het dat gala-etes gereël word om hom die geleentheid te gee om sekere potensiële skenkers toe te spreek, is Donderdag deur adv. Busisiwe Mkhwebane, wat deur Ramaphosa as openbare beskermer (OB) geskors is, bekend gemaak.
Mkhwebane het vir ’n tweede dag voor die parlementêre art. 194-komitee getuig wat haar geskiktheid ondersoek om in haar amp te dien.
