Nathi, wat gaan jou vlag laat wapper?

Waar moet die wind vandaan kom wat Nathi Mthe­thwa se vlag moet laat wapper?

Die meteoroloog Annette Botha sê dit was een van haar eerste vrae toe sy onlangs hoor van die minister van sport, kuns en kultuur se planne om ’n R22 miljoen-vlagpaal by die Erfenisterrein naby die Voortrekkermonument in Pretoria op te rig.

Gauteng is mos nie regtig winderig nie, dit het eintlik maar net die Augustus-winde. En wat is die punt van ’n vlag sonder wind, het Botha gedink.