Die EFF se #NationalShutdown-betogings Maandag is deur die ANC, Solidariteit en AfriForum as ’n mislukking bestempel selfs terwyl dit nog aan die gang was.
Die opkoms van betogers was power gemeet aan die verwagtinge wat in die aanloop tot die protesaksie geskep is, meen Mike Law, politieke ontleder verbonde aan die Paternoster-groep.
“Die betogings was ’n toets van die EFF se ondersteuningsvlakke en sy vermoë om mense te mobiliseer, maar dit lyk met die eerste oogopslag asof dit ’n skouspelagtige mislukking is.”
