Die DA-geleide koalisieregering in die Johannesburg-metro het Vrydagmiddag in duie gestort toe ’n raadslid van ’n minderheidsparty as nuwe burgemeester aangewys is.
Dit lui ook ’n nuwe era in van ’n nuwe koalisievennootskap met ’n minderheidsparty aan die stuur wat “sterk ondersteun” word deur die ANC en die EFF.
Thapelo Amad, voorsitter van Al Jama-ah, het stof in die oë van dr. Mpho Phalatse van die DA en Funzi Ngobeni van ActionSA geskop toe hy 138 stemme op hom verenig het teenoor Phalatse se 81 en Ngobeni se 46 op ’n buitengewone raadvergadering.
