Nuwe Onteieningswet kry groen lig by komitee

Die voorgestelde nuwe Onteieningswet is nóg ’n stap nader daaraan om ’n werklikheid te word.

Dit volg nadat die parlementêre portefeuljekomitee vir openbare werke en infrastruktuur Dinsdag ’n voorlegging van die departement van openbare werke en infrastruktuur daaroor goedgekeur het.

Dié wet het niks te doen met die planne om art. 25 van die Grondwet te verander om onteiening sonder vergoeding moontlik te maak nie. Dit is ’n afsonderlike proses.