Meer as ’n halfmiljoen wit, bruin en Indiër-werknemers kan binne die volgende vyf jaar hul werk kwyt wees as nuwe rasseteikens, wat pas vir kommentaar gepubliseer is, uiteindelik wet word.
Die konsepregulasies, wat deel vorm van die Wysigingswet op Gelyke Indiensneming, is so arbitrêr en drakonies dat die DA-leier, John Steenhuisen, gister in ’n ongewone stap gesê het werkgewers behoort hulle te verset deur nie die regulasies te gehoorsaam nie.
“Dit is tyd vir ons – vir alle Suid-Afrikaners – om ons gees van ongehoorsaamheid te herontdek. Soos 2024 (se algemene verkiesing) naderstaan, gaan ons dit nodig hê,” het Steenhuisen in ’n toespraak in Chatsworth in KwaZulu-Natal gesê.
