Adv. Busisiwe Mkhwebane, die geskorste openbare beskermer, is vasbeslote om pres. Cyril Ramaphosa voor die art. 194-komitee van die parlement te roep om haar vrae te beantwoord én sy sal in die hof gaan baklei hieroor.
Mkhwebane het Woensdag by monde van haar regsverteenwoordiger, adv. Dali Mpofu SC, haar voorneme bekend gemaak dat sy regstappe oorweeg om Ramaphosa te dwing om te getuig voor die komitee wat ’n ondersoek doen oor haar geskiktheid as die land se OB.
Dit volg nadat die meerderheid komiteelede Dinsdag gestem het dat dit nie nodig is om Ramaphosa as getuie te roep vir die komitee om sy ondersoekwerk af te handel nie.
