’n Senior staatsamptenaar wat die onbehoorlike verwerking van visums en permitte vir Gupta-vennote by konsulate in Ethiopië en die Verenigde Arabiese Emirate probeer fasiliteer het, is afgedank.
Die visums is nooit uitgereik nie omdat amptenare geweier het om betrokke te raak by die “skelmstreke” van Major Kobese, wat ’n direkteur in die departement van buitelandse sake se visum-afdeling was.
Kobese is in ’n tugverhoor wat vyf maande geduur het, skuldig bevind aan drie klagte van growwe wangedrag in die uitvoering van sy pligte, het die departement Donderdag in ’n verklaring gesê.
