’n Ramptoestand rakende die elektrisiteitskrisis is volgens kenners nie noodwendig sleg nie, maar wys wel dat beurtkrag die ANC se grootste teenstander in aanstaande jaar se verkiesing is.
Pres. Cyril Ramaphosa het Maandagaand met die afsluiting van die ANC se nasionale uitvoerende komitee (NUK) se lekgotla in Kempton Park gesê daar was breë instemming dat ’n ramptoestand afgekondig moet word in ’n poging om ’n einde aan die elektrisiteitskrisis te maak.
Volgens Ramaphosa sal dit soortgelyk wees aan die ramptoestand wat tydens die Covid-19-pandemie van krag was.
