Suid-Afrika skaar hom aan die kant van een van die wêreld se “muishond”-lande met die ampsbesoek van Sergei Lawrof, Russiese minister van buitelandse sake, aanstaande week.
Dit kan die land op lang termyn duur te staan kom, het dr. Pieter Groenewald, VF Plus-leier, Woensdag gesê toe hy, soos die DA en die Solidariteit-beweging, die besoek skerp gekritiseer het.
Die departement van internasionale betrekkinge en samewerking (Dirco) het Dinsdag bekend gemaak dat dr. Naledi Pandor, minister van Dirco, Maandag bilaterale gesprekke met Lawrof in Pretoria sal voer.
