Die omstrede Tottenham Hotspur-borgskap het nóg teenkanting ontvang met LP’s wat in ’n sitting van die parlement daarop aangedring het dat dié plan summier gestaak word.
Op ’n dag van groot drama het die parlementêre portefeuljekomitee oor toerisme Dinsdag sy rug styf gemaak teen die beoogde borgskap van byna R1 miljard vir ’n tydperk van altesame drie jaar deur Suid-Afrikaanse Toerisme (SAT).
“Hierdie ooreenkoms is af. Dit eindig vandag hier. Baie sprekers het gesê daar is nog nie eens ’n ooreenkoms nie. Dit is af. Dit moenie eens begin nie,” het Tandi Mahambehlala, voorsitter, gesê.
