Die staatsrede word allerweë beskou as die hoogtepunt op die politieke kalender in Suid-Afrika wanneer die president die geleentheid kry om die agenda vir die jaar te stel.
Benewens die president se toespraak en die tierlantyntjies op die rooi tapyt, volg dié tradisieryke geleentheid ook streng seremoniële prosedures wat uit die apartheidsera en selfs vroeër dateer.
Luidens ’n verklaring deur die parlement, wat die volgorde van gebeure in besonderhede uiteensit, is die staatsrede steeds op die Westminster-tradisie, ’n oorblyfsel uit die koloniale era, geskoei.
