Die aanstelling van dr. Zweli Mkhize as hoof van die ANC-subkomitee vir maatskaplike transformasie beteken nie dié voormalige minister van gesondheid maak sy terugkeer tot die politiek nie.
“Dis ’n vriendelike gebaar van die ANC teenoor Mkhize en KwaZulu-Natal. Hy was immers ’n presidentskandidaat en het op ’n manier status in die ANC,” meen Theo Venter, politieke ontleder verbonde aan die Universiteit van Johannesburg.
Die nasionale uitvoerende komitee (NUK) van die ANC het Maandag in ’n spesiale sitting nuwe voorsitters en ondervoorsitters vir sy subkomitees gekies wat hoofsaaklik uit NUK-lede bestaan.
