Nie net kan jou hondekind sy stert swaai en op en af spring van opgewondenheid wanneer hy jou sien nie, maar nuwe navorsing dui daarop dat ’n hond ook kan huil.
CCN berig navorsing deur Japanse wetenskaplikes dui daarop dat vierpotiges trane van blydskap kan stort wanneer hulle ná ’n lang ruk weer met hul eienaars herenig word.
Net soos mense het honde ook traankliere wat hulle help om hul oë uit te spoel en sodoende skoon en gesond te hou. Maar hondetrane is nog nooit voorheen soos met mense aan emosie gekoppel nie.
