Gember Distillery, ’n boetiekdistilleerdery in Muizenberg, Kaapstad, is die geesteskind van Simon Cranswick en Wynand de Vries. Dié twee onwaarskynlike vriende het, buiten hul gemmer hare en opgewekte geaardhede, ook ’n groot liefde vir jenewer in gemeen, en kon in minder as ’n jaar daarin slaag om vier heerlike jenewers vir hul Two Gingers-reeks te ontwikkel, elk met sy eie kenmerkende smaak danksy die botaniese elemente wat tydens produksie bygevoeg word.
Die Four Seasons Collection bestaan uit die Spice Route (herfs), Soul Flame (winter), La Primavera (lente) en Pink Pomelo (somer). Hoewel hierdie jenewers elk aan ’n ander seisoen gekoppel word, kan jy dit enige tyd van die jaar geniet. Die naam “Four Seasons Collection” sinspeel op Kaapstad se wispelturige weer, want net soos die jenewer, kan jy al vier seisoene in een dag beleef!
Die reeks bied jou verfrissend moderne en ongewone geure wat fantasties smaak saam met gewone Indiese kinawater of selfs op slegs ys.
Vyf toekennings in eerste jaar
In hul eerste jaar het Two Gingers vyf toekennings ingepalm vir die Pink Pomelo, Spice Route en Soul Flame (La Primavera was toe nog nie bekendgestel nie). Die Spice Route sowel as die Soul Flame het goue merietetoekennings ontvang, terwyl die Pink Pomelo en Soul Flame dubbelgoud en die Spice Route goud by die SA Craft Gin-toekennings verower het.
Waarna proe dit?
Pink Pomelo (somer) was die eerste jenewer wat onder die Two Gingers-naam bekendgestel is. Hierdie ryk en aromatiese jenewer is pikant en les beslis die dors. Openingsnote van pienk pomelo word gelig deur ’n kombinasie van kardemom en dropwortel, wat dit ’n verbasende soetheid gee en verfrissend afrond. Dit smaak die beste saam met baie ys en goeie Indiese kinawater.
Spice Route (herfs) is swaar en kompleks. Dié volronde jenewer is fleurig gegeur met sterk peperige “grains of paradise”, afgerond met wildekaneel, en meesterlik verhef deur ’n kombinasie van dropwortel en soet lemoenskil. Drink dit skoon op ys of saam met kinawater, met ’n kaneelstokkie of stukkie sitrusskil.
Soul Flame (winter) is delikaat en warm, ideaal vir die kouer maande. Dit bied ’n tikkie jasmyn, matige speserynote op die tong en ’n sagte soetheid regdeur. Hierdie gladde jenewer het ’n heerlike smaak wat lank talm, met warmte wat verskaf word deur kardemom-, wildekaneel- en koljandernote, asook sagte ondertone van jasmyn en sitrus. Teug daaraan oor ys of geniet dit met kinawater en ’n kaneelstokkie, of sittrusskil van jou keuse.
La Primavera (lente) is ’n lewendige, kraakvars jenewer. Die naam beteken letterlik “die eerste groenigheid van die lente”. Dit was die vierde en laaste jenewer in die Four Seasons Collection. Wildejasmyn en sitroengras skep saam ’n verkwikkende profiel op die neus en palet, terwyl aardse ondertone van iris- en engelkruidwortel ook na vore kom. Hierdie energieke jenewer sal beslis jou smaakknoppies prikkel met al die lentevreugde wat daaroor dartel. Geniet dit net so skoon op ys of saam met kinawater.
Die blad is betaal en die inhoud verskaf deur die adverteerder. Netwerk24 aanvaar geen aanspreeklikheid vir die geadverteerde dienste of produk nie.
