GEBORG | By die NWU is taal nie ’n struikelblok vir opvoeding nie

akkreditasie
0:00
play article
Intekenare kan na hierdie artikel luister
Keaobaka Seshoka is die direkteur van die NWU se Taaldirektoraat.Foto: VERSKAF
Keaobaka Seshoka is die direkteur van die NWU se Taaldirektoraat.Foto: VERSKAF

By die Noordwes-Universiteit (NWU) is taal nie ’n struikelblok wat toegang tot tersiêre onderwys strem nie, maar ’n instrument wat toegang tot gehalte-onderrig gee vir ’n gehoor wat so groot as moontlik is.

Die NWU onderskryf ’n uitgebreide taalbeleid wat inklusiwiteit bevorder en die akademiese status van die oorheersende Afrikatale in die streke waar die NWU se kampusse geleë is, naamlik Tswana en Suid-Sotho, ondersteun. Dit word benewens die behoud van Engels en Afrikaans, as huidige onderrigtale gedoen. Die NWU se taalbeleid is ook ’n additiewe model, wat beteken dat meer onderrigtale bygevoeg kan word.

“Ons is baie opgewonde oor die vordering wat gemaak is om Tswana en Suid-Sotho op dieselfde vlak as Afrikaans en Engels as onderrigtale te kry, sonder om die belangrikheid van laasgenoemde twee tale te ondermyn,” sê Keaobaka Seshoka, direkteur van die NWU se Taaldirektoraat.

Die Taaldirektoraat is ’n ondersteuningstruktuur wat daar is om fakulteite, departemente en universiteitsliggame oor taalverwante kwessies van raad te bedien, en om te midde van talle ander verantwoordelikhede moniterings-, vertaal- en tolkdienste te verskaf.

“Ons taak is om seker te maak dat daar ’n gesonde taalbeleid is wat herskeppend en reagerend in ons meertalige konteks is,” sê Seshoka.

Die NWU se uiteindelike doel is om verbeterde toegang tot die universiteit te verkry en onderrig-leer te verbeter, wat hulle hoop om te doen deur studente en dosente van watter taal ook al by die universiteit te verwelkom.

“Ons benadering is baie duidelik. Ons probeer om toegang en insluiting te bewerkstellig. Die NWU is in ’n meertalige opset geleë, daarom behoort geen taal die ander aan bande te lê nie, solank dit amptelike tale van die land is. Wat ons hier wil hê, en wat ons hier wil leer, is verdraagsaamheid vir mekaar se tale. Ons sê ook dat daar met die ontwikkeling van Tswana en Suid-Sotho as onderrigtale, lesse is wat by Engels en Afrikaans geleer kan word, en ons moet daardie lesse gebruik,” verduidelik Seshoka.

Sy gaan voort deur te sê dat ’n “oop” universiteit, wie se prioriteit inklusiwiteit is, taalwerklikhede in ag moet neem. “Suid-Afrika is ’n meertalige land en ons moet dit weerspieël.”

Die Taaldirektoraat het ook ’n toegewyde gemeenskapsuitreikprogram waardeur hulle skole in die groter Mahikeng-, Potchefstroomse en Vanderbijlparkse gemeenskappe – waar die NWU se drie kampusse geleë is – besoek, en tolkdienste vir klasse en gemeenskapsgeleenthede verskaf. “Dit is een manier waarop ons iets kan teruggee en ’n bewustheid van die belangrikheid van mekaar se tale kan skep.”

Die NWU het homself as ’n voorbeeld van meertalige ontwikkeling gevestig en is ook die gasheer van die Taalbewustheidsweek om ’n bewustheid vir ’n taaldiversiteit te skep.

Seshoka sê: “Ek is trots daarop om te sê dat die NWU homself as ’n toonaangewer geplaas het wat meertalige onderrig betref. Waarom sê ek dit? Wel, die taalbeleidsraamwerk vir openbare hoëronderwysinstellings sê dat daar ontwikkeling en uitbouing van inheemse tale as tale van vakkundigheid, onderrig en leer en kommunikasie by hoëronderwysinstellings moet wees. Dit beteken dat instellings vir hoër onderrig praktiese maatreëls in plek moet hê om voorheenbenadeelde tale te ontwikkel. Dit sê voorts dat alle instellings vir hoër onderrig strategieë, beleide en die implementering van planne vir die bevordering van meertaligheid moet ontwikkel soos dit deur hierdie beleidsraamwerk omskryf word. Sulke planne moet ten minste twee amptelike tale – benewens die onderrigtaal of taal van onderrig en leer – vir ontwikkeling vir vakkundige diskoers asook amptelike kommunikasie aandui. Die NWU het reeds Afrikaans en Engels as tale van onderrig en leer, asook twee inheemse tale in Tswana en Suid-Sotho, terwyl ander tersiêre onderwysinstellings oorwegend tweetalig is. Ons is dus twee treë vooruit.”

Die NWU is deur middel van sy taalbeleid daartoe verbind om te verseker dat dit ’n billike en funksioneel meertalige universiteitstaalomgewing verskaf.

besig om te laai... Regstreeks
Garden Route Badgers 158/9
Eastern Cape 158/6
Rand - Dollar
18.07
-0.6%
Rand - Pond
20.16
+0.2%
Rand - Euro
17.68
+0.3%
Rand - Aus dollar
11.58
+0.1%
Rand - Jen
0.12
+0.1%
Goud
1,661.25
+0.0%
Silwer
19.03
0.0%
Palladium
2,166.50
0.0%
Platinum
864.50
0.0%
Brent-ruolie
85.14
-2.4%
Top-40
57,390
+0.8%
Alle aandele
63,726
+0.7%
Hulpbronne 10
60,230
+0.7%
Industriële 25
77,400
+0.8%
Finansiële 15
13,796
+0.7%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos