Word ’n versigtige veganis en toets dit een aand per week

akkreditasie
0:00
play article
Intekenare kan na hierdie artikel luister
As jy ’n plantgebaseerde dieet volg, sal jou spysverteringstelsel ná slegs een dag al beter funksioneer omdat ’n veganistiese dieet baie vesel insluit.
As jy ’n plantgebaseerde dieet volg, sal jou spysverteringstelsel ná slegs een dag al beter funksioneer omdat ’n veganistiese dieet baie vesel insluit.

Dit is nie nodig om van dag een af vreesloos vleisloos te wees nie. Stel dié plantgebaseerde leefstyl eers net een aand per week op die proef.

Volgens Claudine Ryan, geregistreerde dieetkundige in Gqeberha, sal jou spysverteringstelsel ná slegs een dag van ’n plantgebaseerde dieet volg, beter funksioneer omdat ’n veganistiese dieet baie vesel insluit.

Checkers Veganuary
Een veganistiese dag per week kan voordelig wees vir jou kardiovaskulêre gesondheid, dermmikroflora en kankerrisiko.

“Jy kan ook meer energiek voel in vergelyking met dae waarop jy verwerkte vleis eet. Op die lang termyn kan selfs net een veganistiese dag per week voordele inhou vir jou kardiovaskulêre gesondheid, dermmikroflora en kankerrisiko.”

Hoe werk dit?

Magda Pieters, geregistreerde dieetkundige in Bellville, sê om ’n veganistiese dieet een dag per week te volg, byvoorbeeld die bekende Meatfree Monday, word fleksitarisme genoem.

“Kies ’n dag in die week wat jy die aand by jou eie huis sal eet, en nie ’n moeilike keuse by ’n restaurant of vriende hoef te maak nie,” stel sy voor. “Meatfree Monday het juis so gewild geraak omdat mense ná ’n naweek se lekker eet, die week op ’n goeie manier wil begin.

“Beplan mooi voor die tyd, en maak seker dat jy vooraf jou bestanddele byderhand het. Moenie fokus op die vleis wat jy gaan uitsluit nie, fokus op al die lekker nuwe geure wat jy gaan insluit en bymekaarsit.”

Checkers Veganuary
’n Veganistiese dieet een dag per week, soos die bekende Meatfree Monday, word fleksitarisme genoem. Meatfree Monday het gewild geraak omdat mense ná ’n naweek se lekker eet, die week op ’n goeie manier wil begin.

Sy stel voor jy kies kleurryke groente – een rooi, een geel en een groen groente – sodat jou bord mooi kleurvol lyk.

“Verskillende teksture sal ook die ete interessant maak, byvoorbeeld botterskorsie of pampoen in blokkies, vars net-net gaar groen baba-ertjies, kapokpatats of kapokaartappels, gerasperde rou wortels, en ’n kraakvars slaai met blare, tamaties, olywe en pesto. Gebruik lekker geurmiddels soos kaneelstokkies, vars kruie, knoffel en speserye om die kos se geure uit te bring,” moedig Pieters aan.

“In die winter kan ’n heerlike groentesop, en ’n sny vars growwe brood die hele ete wees. Oorweeg ook ’n veganistiese pizza sonder kaas met pesto, olywe, tamaties, en dies meer. Die klem bly steeds op ’n gesonde keuse van hoofsaaklik natuurlike produkte.”

Checkers Veganuary
Net omdat jy ’n plantgebaseerde dieet volg, beteken nie jou kos hoef vervelig te wees nie. Daar is verskeie resepte soos dié spaghetti met lensiebolognaise wat jy kan maak.

Probeer hierdie lekker veganistiese resepte

Indien jy sukkel om te besluit wat om vir aandete te maak die dag waarop jy ’n plantgebaseerde dieet gaan volg, stel Ryan die volgende maklike resepte voor:

Spaghetti met lensiebolognaise

Porsies: 2

Vooraf: Week lensies oornag

Bereidingstyd: ±70 minute

Wat jy benodig

2 t Forage and Feast olyf- of avokado-olie

1 ui, gekap

1–2 knoffelhuisies, fyngekap

2 selderystokkies, gekap

2 mediumgroot wortels, geskil en fyngesny

200 g gedroogde lensies, week dit oornag, spoel en dreineer

1 blik Pot O’ Gold-gekapte tamaties

2 e Pot O’ Gold-tamatiepasta

1 lourierblaar

½ t gedroogde fyn origanum

250 ml groenteaftreksel

sout

varsgemaalde swartpeper

200 g glutenvrye Simple Truth-spaghetti

Maak só

Verhit die olie tot warm en voeg die ui, knoffel, seldery en wortels daarby. Roerbraai 15 tot 20 minute tot sag.

Roer die lensies, tamaties, tamatiepasta, kruie en aftreksel in. Verhit tot kookpunt. Stel die hitte laer en laat prut 40 tot 50 minute. Voeg ’n bietjie water by indien nodig.

Geur met sout en varsgemaalde swartpeper.

Kook die pasta tot gaar en dreineer.

Sit die lensiebolognaise op die gaar pasta voor en geniet!

Indien jy bang is jy word honger tussen etes, maak jou eie hoemoes en peusel aan rou groente soos wortels en komkommer wat jy in die hoemoes doop.

Hoemoes

Lewer: 1½ k

Bereidingstyd: 5 minute

Wat jy benodig

1 blik Pot O’ Gold-kekerertjies

4 e tahinipasta

1–2 knoffelhuisies

sap van 1 suurlemoen

½ t komyn

1 e geroosterde dennepitte

sout na smaak

Maak só

Plaas al die bestanddele in ’n voedselverwerker en verwerk tot fyn. Voeg ’n eetlepel of twee water by indien dit te dik is. Kan ongeveer een week in ’n lugdigte houer in die yskas hou.

Lees volgende week meer oor die voorlopige veganis in ’n reeks artikels oor wat dit behels om veganisme op die proef te stel. Sien hieronder die eerste artikel in dié reeks. 

Hierdie artikel is geborg deur Checkers. Sou jy veganisme op die proef stel, probeer gerus Checkers se Simple Truth-reeks wat ’n verskeidenheid gesonder en veganistiese produkte insluit.

besig om te laai... Regstreeks
India 0
Australia 76/2
besig om te laai... Regstreeks
Mpumalanga 0
South Western Districts 0
besig om te laai... Regstreeks
KwaZulu-Natal Inland 0
Border 0
Rand - Dollar
17.71
+0.3%
Rand - Pond
21.43
+0.0%
Rand - Euro
19.02
+0.0%
Rand - Aus dollar
12.32
-0.2%
Rand - Jen
0.13
+0.2%
Platinum
978.08
-0.9%
Palladium
1,660.73
+0.5%
Goud
1,881.00
+0.3%
Silwer
22.42
+0.5%
Brent-ruolie
85.09
+1.7%
Top-40
73,968
0.0%
Alle aandele
79,976
0.0%
Hulpbronne 10
74,722
0.0%
Industriële 25
103,851
0.0%
Finansiële 15
16,339
0.0%
Alle JSE-data is met minstens 15 minute vertraag Iress logo
Blitsblik op ’n maatskappy

Volg die maatskappy se aandeelprys en lees nuwe Sens-verklarings en resultate hier.

Verkeer in jou area

Kies 'n area om verkeersvoorvalle op jou roete te sien.

Klik om te stel
Nuuswenke

Het jy 'n nuuswenk of storie wat jy graag met Netwerk24 wil deel? Stuur gerus 'n e-pos aan ons nuusspan.

Stuur 'n e-pos