Dis dalk nie so eenvoudig om die welbekende finansiële ineenstorting van munisipaliteite toe te skryf aan wanbestuur nie.
Verbruikers – huishoudings, ondernemings én ander regeringsdepartemente – skuld die land se 257 munisipaliteite nou altesame R305,8 miljard vir erfbelasting en dienste soos krag, water en riolering.
Die tesourie het in sy jongste verslag oor die finansies van plaaslike regerings uiteengesit hoe hul boeke klop – of nié. Die syfers gaan oor die ses maande van Julie tot Desember 2022.
