Baie mense wat eiendom gekoop het met die oog op ’n inkomste uit verhuring, sit steeds met die hande in die hare.
Die vraag na huureiendom was in die derde kwartaal vanjaar steeds swak, volgens die jongste peiling deur die kredietburo TPN.
Met 1,4 miljoen mense wat hul werk weens die inperkings verloor het en nog 375 000 verlore werkgeleenthede in die formele sektor in die derde kwartaal, is dit volgens Michelle Dickens, uitvoerende hoof van TPN, nie verbasend dat die vraag na huureiendom nog swak is nie.
