Te koop: Herehuis van oud-Suid-Afrikaner wat glo met rand konkel

Byna R250 miljoen. Dit is vir hoeveel die herehuis met nege slaapkamers, ’n rolprentteater en stoomkamer van die oud-Suid-Afrikaner wat verlede week in Spanje vasgetrek is weens sy beweerde gekonkel met die rand, in Londen in die mark is.

Bloomberg berig Neil Phillips het die eiendom in een van Londen se gesogste woonbuurte op 3 Augustus in die mark gesit.

Die eiendom in Hampstead is vir £12,5 miljoen, of sowat R248 miljoen teen vandag se wisselkoers, in die mark.