Die winsgewende toerismemark vir passasierskepe word van middel November af weer in Kaapstad verwag nadat die land uiteindelik op vlak 1 van die staat van inperking geplaas is.
“Daar is ’n honger vir passasierskepe om weer hul reise te hervat en reeds 37 skepe word tussen November en Mei volgende jaar aan ons kus verwag,” sê Labeeqah Schuurman, strategiehoof en woordvoerder van die Cruise Cape Town-inisiatief.
Sy sê hulle verwelkom die aankondiging oor vlak 1 wat dit moontlik gaan maak om die “winsgewende toerismemark” weer aan die gang te kry.
