Die kredietgraderingsagentskap S&P Global Ratings se besluit om sy vooruitsig vir Suid-Afrika se skuld van positief na stabiel af te gradeer, was nóg ’n slag in ’n week vol slegte nuus.
Maar die graderingsbesluit is ’n belangrike herinnering aan hoeveel ons ekonomie teruggehou word deur die mislukking om die nodige strukturele hervormings betyds in te stel.
Daar is sekerlik nie ’n gebrek aan begrip oor wat gedoen moet word nie. Dit is net dat die lewering van tasbare resultate so stadig en so swak is.
