Fabrieke onderbenut – amper soos aan begin van pandemie

Vertrouensvlakke in die land se vervaardigingsektor het in die eerste kwartaal met 9 punte tot 17 gedaal, toon die Absa-vervaardigingspeiling.

“Vervaardigers voel mismoedig omdat beurtkrag, veral op die hoë vlakke soos fase 6, ’n beduidende invloed op hul bedrywighede het,” sê Justin Schmidt, hoof van die vervaardigingsektor by Absa se verhoudingsbankwese.

“Die vertrouensvlakke is soortgelyk aan dié wat tydens die internasionale finansiële krisis gesien is en is die laagste sedert die streng inperkings tydens die Covid-19-pandemie.”