Die uitval weens die Russiese wapenskandaal en die risiko van fase 8-beurtkrag dié winter beteken daar is nou groot onsekerheid oor wanneer die rentekoers die laaste keer verhoog gaan word.
Verlede jaar is gehoop Januarie sou die laaste verhoging bring; in Januarie is gehoop Maart sou die draaipunt wees; in Maart is dit na Mei aangeskuif – en nou is daar groot onsekerheid of nóg ’n rentekoersverhoging dalk voorlê.
Mamello Matikinca-Ngwenya, hoofekonoom van FNB, waarsku bestaande handelsooreenkomste word deur geopolitieke spanning bedreig en sal geldeenhede laat verswak “soos diplomatieke uitvalle plaasvind, soos ons in Suid-Afrika gesien het”.
