Ekonome moes Donderdag hul siening oor volgende rentekoersbesluite herkalibreer nadat die Reserwebank die meerderheid onkant gevang het met ’n aggressiewe verhoging van 50 basispunte in die rentekoers.
Die meeste ekonome het voor dié besluit verwag dat die rentekoers met 25 basispunte verhoog sou word en ook dat dit die laaste rentekoersverhoging in dié siklus sou wees.
Lesetja Kganyago, president van die Reserwebank, was egter onversetlik daaroor dat inflasieverwagtinge teruggedwing moet word tot 4,5%, die middelpunt van die Reserwebank se teikenband van 3% tot 6%.
