Rand al byna 17% swakker sedert April

Die rand boer sedert begin September bo R17 teenoor die dollar en het vandeesweek ’n vlak bereik wat twee jaar laas gesien is.

Woensdag het die rand kortstondig met 1% tot R17,46 teenoor die dollar verswak weens onsekerheid oor die vooruitsigte vir die wêreldekonomie, volgens PSG. Die daling in sakevertroue in die derde kwartaal in Suid-Afrika het ook druk op marksentiment geplaas.

Dit verteenwoordig ’n verswakking van meer as 3% sedert verlede Maandag se opening van R16,84.