Die rand het Donderdag in ’n stadium met 23c of 1,3% tot R17,50 teenoor die dollar verswak nadat Suid-Afrika vir die eerste keer in sewe kwartale agtereenvolgens ’n tekort op sy lopende rekening getoon het.
Die rentekoersverhoging van die sentrale bank van Europa met 75 basispunte het ook verder druk op die rand geplaas.
Die besluit is om 14:15 aangekondig, waarna die rand nog ’n paar sente verswak het. Dit was nadat dit verswak het toe die inligting oor die tekort op die lopende rekening uitgereik is.
