Eskom: Einde van staking in sig

’n Nuwe loonooreenkoms word bes moontlik so gou as Vrydag tussen Eskom en sy werknemers onderteken ná die ontwrigtende staking wat regstreeks verantwoordelik was eers vir beurtkrag op fase 4 en toe teen Dinsdag op fase 6.

Sowel Eskom as die twee grootste vakbonde by Eskom, die National Union of Mineworkers en die metaalwerkersvakbond Numsa, het Dinsdagaand terwyl fase 6 toegepas is, aangekondig daar is goeie vordering met die dispuut gemaak.

Geen besonderhede is egter bekend gemaak nie.