Kragkrisis: Samewerking word nou wettig, maar samespanning bly taboe

Sekere regulasies van die Mededingingswet gaan verslap word in die hoop dat dit sal help om die kragkrisis vinniger op te los.

Ebrahim Patel, minister van handel, nywerheid en mededinging, het Woensdag in die Staatskoerant sekere voorstelle vir vrystellings van mededingingswetgewing gepubliseer as deel van die ramptoestand oor die kragkrisis.

Soortgelyke vrystellings is ook tydens die ramptoestand weens die Covid-19-pandemie afgekondig, maar nou is dit spesifiek net vir die kragsektor.