Nog ’n dag, nog ’n hareklowery oor wie wat geweet het oor die bedrog by Eskom?
Dis die vraag wanneer dr. Sydney Mufamadi, veiligheidsraadgewer van pres. Cyril Ramaphosa, Vrydag vrae van die parlement se staande komitee oor openbare rekeninge (Skoor) beantwoord. Die sessie begin om 09:30.
Die reeks Skoor-sittings oor Eskom van die afgelope weke volg op die bewerings van André de Ruyter, voormalige uitvoerende hoof, dat senior ANC-politici by Eskom-bedrog betrokke is of daarvan weet. De Ruyter weier steeds om name te verskaf.
