Hy het net ’n sinoptiese opsomming van die private intelligensieverslag oor korrupsie by Eskom gekry. Hy het nie die verslag self ontvang nie.
As daar ’n verwagting was dat hy dit met pres. Cyril Ramaphosa moes deel, is dit nie aan hom gesê nie, het dr. Sydney Mufamadi, presidensiële raadgewer, Vrydag gesê.
Hy is by die parlement se staande komitee oor openbare rekeninge (Skoor) uitgevra oor die bewerings van André de Ruyter, vorige uitvoerende hoof van Eskom, oor die betrokkenheid van senior politici en kabinetsministers by Eskom-korrupsie.
