Met 6 000 lede wat vir Eskom werk, is Solidariteit daarvan oortuig dat daar gekoördineerde sabotasie by die nutsmaatskappy aan die gang is, maar die kabinet het geen plan of wilskrag om dit te takel nie.
“Daar is snaakse goed aan die gang by Eskom se steenkoolkragstasies,” het Connie Mulder, hoof van Solidariteit se navorsingsinstituut, Donderdagaand op ’n seminaar van die Vryemarkstigting (FMF) gesê.
“Goed vat vlam wat nie veronderstel is om te brand nie. Opwekkingseenhede skop uit op een plek, terwyl dit terselfdertyd ook onverwags op ander plekke gebeur.”
