Op koers na 100 dae van beurtkrag – en dit word erger

Ná 94 dae van aaneenlopende beurtkrag is daar net een week oor totdat dié rekord ’n rampspoedige vlak bereik: 100 agtereenvolgende dae van duisternis.

Sedert 31 Oktober 2022 was daar net ’n blaaskans van ’n paar uur van kragonderbrekings en in die afgelope 94 dae was daar nie ’n enkele dag waarop beurtkrag nié toegepas is nie. Selfs op Kersdag kon Eskom nie die ligte vir ’n volle dag aanhou nie.

In 2022 was daar 43% van die tyd beurtkrag, met ander woorde vir 3 757 uur.