Ramptoestand moeilik regverdigbaar, sê regskenners

’n Bekende regsfirma het nou ook die mening gelug dat die ramptoestand weens die kragkrisis onnodig afgekondig is.

Die ramptoestand weens beurtkrag sal wel in ’n hof uitgedaag kan word, want daar is reeds voldoende wetgewing om die kragkrisis te hanteer, sê drie regskenners van die firma Webber Wentzel.

Hulle wys spesifieke struikelblokke uit wat die regering sal moet oorkom as hy dit in ’n hof wil regverdig dat hy reg opgetree het deur die ramptoestand af te kondig.