Wanneer ek vir kliënte terugvoering gee, is dit gewoonlik gemoedelike gesprekke, al het ons deur ’n moeilike tyd in beleggingsmarkte gekom.
Die gesprek gaan oor baie meer as net die formele waardasiedokumente voor ons, of die besluit oor wat in die volgende jaar moet gebeur, of wat die persoon wat voor my sit se inkomste in die volgende jaar gaan wees. Soms is die gesprekke moeiliker.
Ek sê gereeld vir mense my moeilikste terugvoeringgesprekke is met geoktrooieerde rekenmeesters (hulle kan al die berekenings terugwerkend doen) en ingenieurs (hulle bou modelle waarmee hulle jou konfronteer).
