Die mediese fonds Discovery sê in ’n brief hy is slaggereed om 50 000 van sy lede per dag teen Covid-19 in te ent.
Suid-Afrika se grootste mediese fonds beoog om eerste sowat 550 000 lede met onderliggende gesondheidsprobleme te laat ent.
Hoewel Discovery hoop om reeds begin Mei sy veldtog te loods, is daar ’n kans dat Suid-Afrika eers in Junie die grootste hoeveelheid van sy entstof gaan ontvang.